Færsluflokkur: Bloggar

Er ritstjóri Morgunblaðsins sömu skoðunar?

Er ritstjóri Morgunblaðsins sömu skoðunar og Tony Blair? Að gjöreyðingarvopnin hafi verið hentug tilliástæða til þess að réttlæta innrásina í Írak?
mbl.is Innrásin í Írak réttlætanleg
Tilkynna um óviðeigandi tengingu við frétt

Hárrétt ákvörðun hjá Árna Finnssyni

Þetta er hárrétt hjá Árna Finnssyni vegna þess að heildarsýnina vantar. Álit skipulagsstofnunar frá í gær og úrskurður umhverfisráðuneytis frá 2008 byggja á kolröngum forsendum. Þar er gengið út frá því að álverið hafi 250.000 tonna framleiðslugetu. Þetta úrelt. Þetta eru upplýsingar gærdagsins. Það hefur margoft komið fram að eigandi fyrirhugaðs álvers stefnir nú á 360.000 tonna framleiðslugetu og ENGINN veit hvaðan orkan kemur sem á að knýja viðbótina. Það byggist allt á getgátum.


mbl.is Kæra ákvörðun um Suðvesturlínu
Tilkynna um óviðeigandi tengingu við frétt

Nei, nei, uppreisnin varð ekki til þess!

Enn tekst blaðamönnum Moggans að koma á óvart með fákunnáttu sinni. Í fréttinni er orsök og afleiðingu snúið við.

Uppreisnin varð EKKI til þess að íbúar gettósins voru sendir í útrýmingarbúðir heldur gerðu þeir uppreisn VEGNA þess að verið var að tæma gettóið og flytja íbúana í útrýmingarbúðir. Þarna er mikill munur á.


mbl.is Síðasti uppreisnarleiðtoginn úr gettóinu í Varsjá látinn
Tilkynna um óviðeigandi tengingu við frétt

Hvar vinnur Ágúst F. Hafberg?

„Þetta er einfaldlega illa gerð skýrsla og ótrúverðug, enda ekki við öðru að búast. Þetta eru menn sem eru búnir að tala í mörg ár gegn fjárfestingum í orkuiðnaði. Hefðu þeir komist að einhverri annarri niðurstöðu, þá væru þeir að viðurkenna að öll þeirra fyrri orð væru röng. Í því ljósi kemur niðurstaða skýrslunnar okkur ekki á óvart,“ segir Ágúst,
mbl.is Segir upplýsingar um arðsemi villandi
Tilkynna um óviðeigandi tengingu við frétt

Var Jón Arason hálshöggvinn...

...eða var hann ekki bara beheddaður? Ég meina „afhöfðaður“?

Alltaf er þessi fjandans íslenska að þvælast fyrir okkur á Mogganum!


mbl.is Fimm afhöfðaðir í Sádí-Arabíu
Tilkynna um óviðeigandi tengingu við frétt

Það er nauðsynlegt að lesa gögnin nákvæmlega sem vitnað er í

Í fréttinni segir:

„Samtals námu styrkir þeirra fyrirtækja sem styrktu Sjálfstæðisflokkinn um meira en eina milljón 81 milljón króna á árinu 2006. Sambærileg tala fyrir Samfylkingu er 36 milljónir króna og 23,5 milljónir fyrir Framsóknarflokkinn. Ekki kemur fram með skýrum hætti hversu mikið fyrirtæki styrktu VG, en reikningar flokksins hafa þó verið birtir á heimasíðu flokksins undanfarin ár.“

Er þetta nú alveg rétt? Á heimasíðu VG má finna ársreikning fyrir 2006. Þar segir á bls. 3:

„Í einu tilfella fór styrkur umfram 500 þús.kr. viðmiðunarmörk. Um er að ræða styrk frá Samvinnutryggingum að fjárhæð kr. ein milljón.“

Er þetta ekki nógu skýrt fyrir blaðamann Morgunblaðsins? Samanburður hans gengur út á að bera saman fyrirtækjastyrki sem voru yfir eina milljón króna í tilfelli Sjálfstæðisflokksins og ein milljón og hærri í tilfelli Samfylkingar og Framsóknar.  Þessi samanburður er augljóslega ekki alveg sanngjarn vegna þess að ekki eru taldir upp styrkir til Sjálfstæðisflokksins sem voru nákvæmlega ein milljón. Látum það vera, en talan sem blaðamaðurinn var að leita í ársreikningi VG er sem sagt ein milljón króna.

 


mbl.is Fengu meiri styrki árið 2006
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband